Cruinniú Míosúil.

Seolta ag Eolas ar 23ú Meán Fómhair, 2017.        English

Táimid i ndiaidh a bheith ciúin anseo le roinnt míonna anuas ach tá sé thar a bheith am bualadh le chéile arís chun tús a chuir le hobair na bliana. Mar sin, beidh ár gcruinniú againn ar an Déardaoin seo chugainn (28ú Meán Fómhair) san Óstán Arklow Bay ar a 19:30.

Má tá suim agat sa Ghaeilge agus a stádas agus a feiceálacht san Inbhear Mór, ba bhreá linn bualadh leat ar an oíche, chun uair nó dhó a chaitheamh i measc comhluadar Gaelach. An bhfuil tuairimí agat i leith na Gaeilge sa bhaile? An bhfuil suim agat feabhas a chur ar do chuid Gaeilge labhartha féin, nó ar mhaith leat cabhrú leosan ar mhaith leo deis cleachtaithe chun a gcúpla focal a úsáid?

Tá fáilte roimh chách, idir an seandream atá ag freastal ar na cruinnithe le blianta agus orthusan ar mhaith leo páirt a ghlacadh amach anseo. Tá fáilte ach go háirithe roimh duine ar bheagán Gaeilge ar mhaith leo foghlaim - ócáid sóisialta atá i gceist agus tá súil againn slua mór a fheiscint ann ar an oíche.

Má tá eolas ar bith ag teastáil seol r-phost chugainn agus beimid i dteagmháil go luath.

Maidin Chaifé i Joanne's.

Seolta ag Eolas ar 24ú Iúil, 2017.        English

*** D'ÉIRIGH GO BREÁ LEIS AN GCÉAD MAIDIN CHAIFÉ. BHÍ SLUA DEAS I LÁTHAIR AGUS DÉANFAIMID RUD RIALTA AS DÁ BHARR. GACH MAIDIN DÉARDAOIN AR A 11:00. ***

Buíochas le Joanne's ar an bPríomhshráid as ucht maidin chaifé a eagrú do maidin Déardaoin (27ú Iúil). Tá súil againn rud rialta a dhéanamh de seo sa chaoi is gur féidir le héinne bualadh isteach ar Joanne's agus cupán nó dhó a ghlacadh i gcomhluadar fáilteach Gaelach.

Is deis é seo do chuile dhuine cleachtadh a dhéanamh ar a gcuid Gaeilge nó a bhfuil acu a fheabhsú i measc cairde agus tá fáilte roimh chách, idir Gaeilgeoirí líofa agus lucht foghlama na gcúpla focal. Bain triail as go bhfeicfidh sibh!

Tá súil againn slua (beag nó mór) a fheiscint ar a 11:00 nó mar sin ar an Déardaoin agus ar gach Déardaoin eile leis. Scaipigí scéal!

Dea-rún na hAthbhliana
         - Ranganna Gaeilge.

Seolta ag Eolas ar 4ú Eanáir, 2017.        English

Is minic an tráth seo bliana go leagaimid dúshláin romhainn féin feabhas éigin a chur ar ár saolta. Ós rud é nach n-oireann an áras gleacaíochta do chuile dhuine tá Glór na nGael sásta rogha eile (i bhfad níos saoire!) a chur ar fáil - teanga nua a fhoghlaim. Nó b'fhéidir sean-teanga a athfhoghlaim? Beidh ranganna Gaeilge do dhaoine fásta ag tosnú an mhí seo (19ú Eanáir) sa leabharlann áitiúil.

Beidh na ranganna ar siúl gach tráthnóna Déardaoin ar a 19:00 as sin amach, agus úsáidfear an córas TEG don mórchuid, cé go mbeidh an béim curtha ar cúrsaí cumarsáide ionas gur féidir le gach duine a gcuid Gaeilge a chleachtadh agus a feabhsú. Níl sé socraithe fós cén cúrsa TEG a leanfar, ach ag braith ar na foghlaimeoirí féin, déanfaimid A2 nó B1. Is féidir gach eolas ar na cúrsaí a fháil ar an suíomh TEG agus déanfar cinneadh de réir éileamh na bhfoghlaimeoirí.

Tá fáilte roimh chách, dár ndóigh, idir daoine a d'fhreastal ar chúrsaí linn cheana féin agus éinne ar mhaith leo triail a bhaint as don chéad uair.

Más mian le héinne clárú linn, seol r-phost chugainn agus inis dúinn, d'ainm, d'uimhir gutháin agus (más féidir) cén cúrsa ar fearr leat a dhéanamh.

Tá Glór na nGael an Inbhir Mhóir fíorbhuíoch do fhoireann na leabharlainne as ucht an seomra a chur ar fáil agus as ucht a gcuid tacaíochta ar fad.

Saol an Phiarsaigh.

Seolta ag Eolas ar 12ú Bealtaine, 2016.    

Beidh Séadna Mac Seoin ag tabhairt cainte an tseachtain seo chugainn ar shaol agus ar shaothar Phádraig Mac Piarais san leabharlann nua. Tosnaíonn sé ag 18:45 ar an Mháirt (17ú Bealtaine) agus is féidir clárú dó sa leabharlann anois.

Tá súil againn slua mór a fheiscint ann ar an oíche.

Buaiteoirí Ealaíne 2016.

Seolta ag Eolas ar 20ú Márta, 2016.    

Tá an mholtóireacht déanta agus na buaiteoirí roghnaithe. Mar is gnáth, bhí ealaíon ar ard-chaighdeán againn ó scoileanna an bhaile agus tréaslaímid le gach éinne a sheol pictiúr chugainn.

Ár mbuíochas chomh maith do mhúinteoirí an bhaile as ucht páirt a ghlacadh i gcomórtas na bliana seo.

Seo dhaoibh mar sin buaiteoirí na bliana seo:

Buaiteoir Bunranganna Bunscoile:

Eva Travers, Rang 2, Gaelscoil an Inbhir Mhóir.

Dara háit Bunranganna Bunscoile:

Dara Ó Ceallaigh, Naíonáin Mhóra, Gaelscoil an Inbhir Mhóir.

Buaiteoir Ardranganna Bunscoile:

Buaiteoir - Mantas Jasas, Rang 4, St. John's SNS.

Dara háit Ardranganna Bunscoile:

Daisy Tyner, Summer Nic Fhearaile & Rowan Prestage, Rang 5, Gaelscoil an Inbhir Mhóir.

Buaiteoir Meánscoile:

Lauren Ní Laoi, Bliain 2, Gaelcholáiste na Mara.

Dara háit Meánscoile:

Carla Ní Dhuinn, Bliain 2, Gaelcholáiste na Mara.

Comhghairdeachas dár mbuaiteoirí. Seoladh na duaiseanna go dtí na scoileanna an tseachtain seo caite.

Comórtas Ealaíne Sheachtain na Gaeilge.

Seolta ag Eolas ar 13ú Márta, 2016.    

Tá an ealaíon go léir bailithe againn agus táimid anois is mbun mholtóireachta chun na buaiteoirí a roghnú.

Foilseofar na buaiteoirí an tseachtain seo chugainn ach seo físeán gearr a léiríonn roinnt de na iarratais is fearr a fuaireamar.

Ár míle buíochas le chuile dhuine a ghlac páirt i mbliana.

Feachtas Thoghcháin Chonradh na Gaeilge.

Seolta ag Eolas ar 14ú Feabhra, 2016.    English

Conradh na Gaeilge i mbun fheachtais toghchánaíochta fé láthair agus tá siad ag lorg trí éileamh ó na páirtithe polaitíochta i leith na Gaeilge.

Má tá suim agaibh i dteanga agus i gcultúr dúchasach na hÉireann, molaimid daoibh an bhileog thíos a léamh agus aon iomaitheoir a thagann ag lorg vótaí a cheistiú go bhfeice tú an dtacaíonn siad leis na héilimh atá faoi bhráid an Chonartha.

Is féidir cóip dhátheangach den bhileog a íoslódáil anseo.

Dánta don Arklow Music Festival.

Seolta ag Eolas ar 11ú Deireadh Fómhair, 2015.

A mhúinteoirí agus a iomaitheoirí, tá na dánta don Arklow Music Festival na bliana seo chugainn roghnaithe agus foilsithe againn ar an bhfo-shuíomh anseo.

Táimid ag tnúth go mór le feis na bliana seo chugainn agus tá súil againn go mbainfidh sibh uile taitneamh as na dánta a roghnaíodh.

Ranganna Gaeilge.

Seolta ag Eolas ar 5ú Deireadh Fómhair, 2015.    English

Tá na ranganna Gaeilge tosnaithe arís, gach Déardaoin ar a hocht a chlog sa Ghaelscoil. Má tá suim agat freastal orthu, seol r-phost chugainn ag eolas@gloraninbhirmhoir.ie.

Comórtas Ealaíne Sheachtain na Gaeilge.

Seolta ag Eolas ar 12ú Aibreán, 2015.    

Tá an mholtóireacht déanta agus na buaiteoirí roghnaithe. Mar is gnáth, bhí ealaíon ar ard-chaighdeán againn ó scoileanna an bhaile agus tréaslaímid le gach éinne a sheol pictiúr chugainn.

Ár mbuíochas chomh maith do mhúinteoirí an bhaile as ucht páirt a ghlacadh i gcomórtas na bliana seo.

Seo dhaoibh mar sin buaiteoirí na bliana seo:

  • Bunranganna bunscoile:
    1. Buaiteoir - Ava Dobson, Rang 2, Carysfort NS.
    2. Dara hÁit - Conal Flood, Rang 2, Carysfort NS.
  • Ardranganna bunscoile:
    1. Buaiteoir - Alana Connolly, Rang 6, St. Michael's GNS.
    2. Dara hÁit - Aida Urbanaviciute, Rang 6, St. Michael's GNS.
  • Ranganna meánscoile:
    1. Buaiteoir - Labhaoise Ní Rian, Bliain 1, Gaelcholáiste na Mara.
    2. Dara hÁit - Sinéad Ní Chiardha, Bliain 1, Gaelcholáiste na Mara

Comhghairdeachas dár mbuaiteoirí. Seolfar na duaiseanna go dtí na scoileanna an tseachtain seo chugainn.

Lá 'le Bríde fé mhaise daoibh uile.

Seolta ag Eolas ar 1ú Feabhra, 2015.    

Anois teacht an Earraigh ... ardóimid ár seolta!

Bliain úr nua romhainn agus obair le déanamh. Tá cruinniú míosúil le bheith againn ar an 10ú Feabhra (Dé Máirt) ar a 20:00 san Óstán Arklow Bay mar is gnáth.

Beidh fáilte is céad roimh chách, go háirithe roimh baill nua atá suim acu sa Ghaeilge agus a cur chun cinn.

Buaiteoirí Ealaíne.

Seolta ag Eolas ar 23ú Márta, 2014.    

Tá an-áthas orainn na buaiteoirí sa chomórtas ealaíne a fhoilsiú inniu.

Tá súil againn gur bhain sibh uile an-taitnmeamh as bhur n-iarrachtaí agus go gcuirfidh sibh isteach arís ar an gcomórtas an bhliain seo chugainn.

Buaiteoir Bunranganna Bunscoile:

Daniel Therkelsen, Rang 2, Carysfort National School.

Dara háit Bunranganna Bunscoile:

Keith Macmillan, Rang 2, Carysfort National School.

Buaiteoir Ardranganna Bunscoile:

Muireann Ní Chonchubhair, Rang 6, Gaelscoil an Inbhir Mhóir.

Dara háit Ardranganna Bunscoile:

Laura Enriquez, Rang 6, St Micheal's Girls National School.

Buaiteoir Meánscoile:

Tegan Forde & Maeike van der Heide, Bliain 4, Gaelcholáiste na Mara.

Dara háit Meánscoile:

Elena Lee & Chloe Cullen, Bliain 2, Gaelcholáiste na Mara.

Comórtas Ealaíne.

Seolta ag Eolas ar 17ú Márta, 2014.    

Buíochas ó chroí do múinteoirí an bhaile a sheol na céadta pictiúir don chomórtas ealaíona chugainn an tseachtain seo caite. Seo chugaibh físeán a léiríonn iarrachtaí scoláirí an bhaile.

Má tá d'iarracht féin le feiceáil thuas, tá seans go mbeirfidh tú an bua.

Tá súil againn go mbeidh na cinntí déanta roimh deireadh na seachtaine agus foilseofar roinnt den ealaíon anseo chomh maith le hainmneacha na mbuaiteoirí.

Lá 'le Pádraig sona daoibh uile.

Comórtas Gael DJ.

Seolta ag Eolas ar 4ú Feabhra, 2014.    

Táimid ag seoladh ár gcomórtas Gael DJ arís i mbliana do dhaltaí iar-bhunscoile an bhaile.

Is deis é seo an Ghaeilge atá in úsáid sna seomraí ranga a chur i bhfeidhm ar thionscnamh suimiúil (& spraoiúil b'fhéidir) chun cruthaitheacht, cumas cainte agus cur i láthair na ndaltaí a léiriú.

Má tá Hector nua i bhfolach i measc scoláirí an Inbhir Mhóir tá súil againn é nó í a aimsiú sa chomórtas seo.

Is féidir suim iontrála a chlárú trí r-phost a sheoladh chugainn agus tá rialacha agus treoirlínte an chomórtais ar fáil anseo.

Gaeilge on The Run.

Seolta ag Eolas ar 15ú Nollaig, 2013.    English

Mar fhocal scor na bliana, ba mhaith linn bhur n-áird a dhíriú ar leabhrán frásaíochta atá curtha le chéile ag fiontraithe óga na Gaelcholáiste - Gaeilge on the Run. Níl amhras ach go mbeadh sé áisiúil d'éinne atá ag foghlaim agus táimid sásta saothar na bhfiontraithe seo a mholadh.

Ta cóipeanna ar díol ón nGaelcholáiste agus ón nGaelscoil nó is féidir dul i dteagmháil leis an gcomhlacht féin anseo.

Seo thíos samplaí den leabhrán agus táimid cinnte go n-aontófaí gur éacht ceart atá déanta acu a tháirg é.

Maith sibh Ailís & Teresa!

Sos Nollag.

Seolta ag Eolas ar 15ú Nollaig, 2013.    English

Bhí an rang deireanach againn an Déardaoin seo caite agus ba mhaith linn ár mbuíochas a ghabháil le gach éinne a d'fhreastal ar na ranganna go dtí seo. Tá súil againn siobh uile a fheiceáil ar ais linn i nidiaidh na laethanta saoire. Ba mhaith linn dár ndóigh ár mbuíochas a ghabháil freisin le Bord Bainistíochta na Gaelscoile as ucht na áiseanna a chur ar fáil dúinn. Gan iad, ní bheadh muid ábalta na ranganna a sholáthar ar chor ar bith

Tosnóidh na ranganna arís ag deireadh Mí Eanáir agus seolfar teachtaireacht leis an t-am agus an dáta am éigin i ndiaidh na Nollag.

Tá súil againn go mbaineann sibh sult agus sonas as cheiliúradh na Nollag agus guímid athbhliain fé mhaise oraibh uile.

Cruinniú Chinn Bliana.

Seolta ag Eolas ar 8ú Deireadh Fómhair, 2013.    English

Beidh ár gCruinniú Chinn Bliana againn ar an 21ú Deireadh Fómhair (Dé Luain) san Óstan Arklow Bay ar a 19:30. Tá fáilte roimh éinne atá suim acu i gcultúr agus teanga dúchasach na tíre a chur chun cinn sa bhaile seo againne.

Déanfar cur síos ar an obair atá curtha i gcrích i mbliana againn agus toghfar coiste nua chun tabhairt faoi chlár oibre na bliana atá romhainn.

Beatha ár dteanga í á labhairt - bígí linn.

Clár.

  • Fáilte.
  • Miontuairiscí Anuraidh.
  • Tuairisc an Chisteora.
  • Toghchán an Choiste Nua.
  • Gnó Eile.

Más mian le héinne aon rud a chur leis an gclár thuas seol tuairimí chuig an rúnaí.

Fáilte is fiche chuig suíomh idirlíne Ghlóir na nGael an Inbhir Mhóir.

Seolta ag Eolas ar 23 Meán Fómhair, 2011.    English

Seo dhaoibh a chairde an chéad dréacht do shuíomh idirlíne Ghlóir na nGael san Inbhear Mór. Beidh obair na gcapall ar siúl againn amach anseo seo an suíomh a choimeád beo bríomhar agus reatha ach maith dúinn an tús beag seo. Murar leath na hoibre é, is tús fós é.

Tá sé mar aidhm againn i mbliana ár gcumann beag a fhás agus má tá suim agat i labhairt na Gaeilge nó i gcultúr gaelach i gcoitinne, ba bhreá linn tú a fháiltiú inár measc. Más scoláire thú ag ullmhú do scrúdaithe agus ar mhaith leat cleachtadh a dhéanamh ar do Ghaeilge labhartha, fáilte romhat. Más tuismitheoir thú le dalta ag freastal ar an nGaelscoil nó ar an nGaelcholáiste agus ba mhaith leat cabhrú leis an obair bhaile, fáilte romhat. Más ball de chumann spóirt sa bhaile agus ba mhaith leat an Ghaeilge a chur chun cinn ann, fáilte romhat.

Maidin Chaifé.

Seolta ag Eolas ar 1ú Lúnasa, 2017

Beidh maidin chaifé ar siúl gach maidin Déardaoin i Joanne's ar a 11:00. Tá fáilte roimh chách.

There will be a coffee morning every Thursday in Joanne's ar 11:00. All welcome.

Ranganna Gaeilge.

Seolta ag Eolas ar 10ú Feabhra, 2017

Tá ár ranganna Gaeilge ar siúl gach tráthnóna Déardaoin sa leabharlann nua ar an bPríomhshráid. Tosnaíonn siad ar a 19:00 agus críochnaíonn siad ar a 20:15. Tá fáilte roimh chách agus ná bí buartha má tá an chéad cúpla ceacht caillte agat.

Our ranganna Gaeilge ar on every Thursday evening in the new library on Main Street. They start at 19:00 and finish at 20:15. All are welcome and don't worry if you've missed the first few ones.

Arklow Music Festival.

Seolta ag Eolas ar 11ú Deireadh Fómhair, 2015

Tá na dánta do Arklow Music Festival na bliana seo chugainn foilsithe anois ar an bhfo-shuíomh anseo.

Is féidir freisin na dánta go léir a íoslódáil in aon cháipéis amháin.